The Government of the Grand Duchy of Luxembourg

CATP an der Schoul

CATP an der Schoul

Gudden Moien ,

wann en an senger Jugend eng Leier 3 Joer mat Catp Ofschloss bei engem Patron gemat huet ,
dann gin dei 3 Joeren jo komplett
matgerechnet , well en do schon bessen an Pensiounscaisse anbezuelt huet .

Ech hun meng 3 Joer Leier awer komplet am Lycee Technique gemat , ouni anzebuelen .

As et irgendwei meiglech , dei 3 Leierjoren an der Schoul mat verrechnet ze kreien , fir dass ech mat 57 Joeren kann Pensioun goen ?

Merci am viraus

Answer

Merci fir Är Fro.

Déi Jore wou dir an der Schoul waart oder wou dir eng Léier gemaach huet, no Ärem 18. Gebuertsdag, kënnt dir ugerechent kréien, bis zu engem Maximum vun 9 Joer. Et ass wichteg ze betounen dass dës Joren als Ergänzungszäiten gëllen, an dass Dir déi ugerechent kënnt kréie fir ab 60 Joer an eng virzäiteg Pensioun kënnen ze goen. Fir ab 57 Joer an d’Pensioun kënnen ze goen braucht dir eng Versécherungscarrière vu 40 obligatoresche Cotisatiounsjoeren.

 W.e.g. bemierkt, datt dës Äntwert op der aktueller Legislatioun baséiert an nëmmen eng Estimatioun vun Ärer Situatioun ass, baséiert op den Informatiounen, déi Dir uginn hutt. Nëmmen de déi kompetent Pensiounskeess kann Iech präzis Informatiounen iwwer Är Situatioun ginn.