Merci fir Är Ufro
D' Studiejoer musse keng Unizäite sinn. Déi Jore wou dir tëschent 18 an 21 an der Schoul waart fir Ären Diplom de technicien kënnt dir als Studiejoer ugerechent kréien.
Falls dir Conditiounen erfëllt fir Baby Years ugerechent ze kréien, da gëllen dëst als obligatoresch Cotisatiounsjoer. Opgepasst wann dir an deen 2 Joren no der Gebuert vun Ärem Kand fir Pensioun cotiséiert huet, z.B wëll dir weider geschafft huet oder well dir am Congé parental waart, da kritt dir dës Zäit net duebel ugerechent. An dësem Fall hu Baby Years keen Impakt op Är Cotisatiounszäit mee nemmen op de Montant deen an deenen 2 Joren ugerechent gett.
Dir kënnt nemmen mat 57 Joer an d’virzäiteg Pensioun goe wann dir bis dohin 40 obligatoresche Cotisatiounsjoer opweise kënnt. Opgepasst Är Studiejoer si keng obligatoresche Cotisatiounsjoer.
Dir kënnt ab 60 Joer an eng virzäiteg Pensioun goe wann dir eng Versécherungscarrière vu mindestens 40 Joer opweise kënnt. Déi 40 kënnen dann aus obligatoresch Cotisatiounsjoer, d‘Ergänzungszäiten (wéi Är Studiejoren), fräiwëlleg Perioden an den Nokaf bestoen. Déi Persounen déi an dësem Fall si musse méi laang schaffe goen, well vu Juli 2026 u ginn déi 40 Joer fir ab 60 an d’Pensioun ze goen, schrëttweis erop: 2026 + 1 Mount, 2027 + 2 Méint, 2028 + 4 Méint, 2029 + 6 Méint an 2030 + 8 Méint.
Dir kënnt ab 55 Joer eng Estimatioun fir Är Pensioun bei der CNAP ufroen
W.e.g. bemierkt, datt dës Äntwert op der aktueller Legislatioun baséiert an nëmmen eng Estimatioun vun Ärer Situatioun ass, baséiert op den Informatiounen, déi Dir uginn hutt. Nëmmen de déi kompetent Pensiounskeess kann Iech präzis Informatiounen iwwer Är Situatioun ginn.
