The Government of the Grand Duchy of Luxembourg

Rachat années non cotisées

Rachat années non cotisées

Moien,

Ech wenden mech un Iech, well ech gären eng Präzisioun an enger präziser Situatioun hätt.

Ech hat eng Period vun 3 Joer, an där Ech net geschafft an net cotiséiert hunn. Ech wollt des Période nokaafen mee kruut gesoot dest wär net meigelech well Konditiounen net erfëllt sin.
No de Konditiounen, déi ech bis elo krut, schéngt et, datt esou e Rachat just méiglech ass, wann:
• d’Kand minderjäreg war, oder
• et sech ëm e Congé sans solde handelt am Kader vum Statut (bestuet) / fir de Partner.

Ech verstinn awer net, firwat et net méiglech ass, eng Aarbechtspaus zu Lëtzebuerg aus perséinleche Grënn nozebezuelen, mee anscheinend just nëmmen, wann et am Zesummenhang mam Partner oder engem Kand ass.

Leif Gréiss

Answer

Merci fir Är Fro,

Wéi der richteg sot, ass ënnert der aktueller Legislatioun een achat rétroactif nëmmen aus familiäre Grënn méiglech. Fir ee Raacht kënnen ze maache muss Dir opgehalen hunn ze schaffen oder Är Aarbechtszäite reduzéiert hunn an entweder bestuet gewiescht sinn, ee mannerjäreg Kand erzunn hunn oder eng Persoun gepfleegt hunn.

Falls een aus anere Grënn eng Paus a senger Carrière meescht, kann een zu deem Zäitpunkt, ufroe fir weider fräiwëllegt fir seng Pensioun ze cotiséieren.

W.e.g. bemierkt, datt dës Äntwert op der aktueller Legislatioun baséiert an nëmmen eng Estimatioun vun Ärer Situatioun ass, baséiert op den Informatiounen, déi Dir uginn hutt. Nëmmen de déi kompetent Pensiounskeess kann Iech präzis Informatiounen iwwer Är Situatioun ginn.